Reply – வாழ்த்துப் பா
Your Name
Subject
Message
=
Change code image
or Cancel
In Reply To
வாழ்த்துப் பா
— by தமிழ் வள்ளுவர் தமிழ் வள்ளுவர்
ஐயா, வணக்கம்.

திரு.ஜெயவேலன் அவர்களைச் சடையப்ப வள்ளளுக்கு ஒப்பிட்டிருந்தீர்கள். ஊக்கம், ஆலோசனை, திருத்தம், நிதி ஆகிய அனைத்தும் வழங்கிடும் அவர் சடையப்பரைக் காட்டிலும் மேலானவர். அவருக்கு கோடான கோடி நன்றிகள் உரித்தாகுக.

என்னைப் பற்றி நான் இதுவரை எதுவும் தெரிவிக்காமல் இருந்து விட்டேன். நான் கணக்கியல் (charted accounting) துறையில் பட்டம் பயின்று கொண்டிருக்கும் மாணவன். வயது பத்தொன்பது.
தமிழில் பெரும் ஈடுபாடு உண்டு. ஆக தற்சமயம் என்னால் தங்களுக்கு வழங்கக் கூடியது வாழ்த்துப் பா மட்டுமே. குறையிருப்பின் பொறுத்தருள்க.

அற்றைய நாள் பாரதத்தை
  அருளினனே வியாச முனிவன்
பிற்றைய நாள் செந்தமிழில்
  பெயர்த்தனனே புலவன் வில்லி
இற்றைய நாள் உரைநடையில்
  இயற்றினரே புலவர் குழாம்
மற்றைய நூல் தாக்கமதால்
  மருகினவே இவையாவும்.

கமழ் அந்நூல் மணம் யாவும்
  கண்ணெதிரே மறைந்திடவே
தமிழ் மக்கள் நலம் நாடி
  தன்மைமிகு பாரதத்தை
அமிழ்தொத்த உரைநடையில்
  அருளுகின்ற மாமணியே
இமிழ் கடல்சூழ் உலகமதில்
  இணையிலவே நின்பணிக்கு.

எண்ணத்தினை முழுமையுற
  ஏட்டதனில் வடித்திடு நாள்
வண்ணப்புவி காலத்தினை
  வென்றபெரு அறிஞருமாய்
அன்னைத்தமிழ் பதம்நாடும்
  அரும்புலவோர் வரிசைதனில்
விண்ணைத்தொடும் புகழோடு
  விண்ணவராய் வாழ்வீரே!

நன்றி.