Reply – Re: வஞ்சகன்--கண்ணனா, கர்ணனா?
Your Name
Subject
Message
=
Change code image
or Cancel
In Reply To
Re: வஞ்சகன்--கண்ணனா, கர்ணனா?
— by தாமரை தாமரை
கந்தர்வப் போரின் விவாதப் பகுதிகள் இதுதான்.

1. கர்ணன் அப்பொழுது பால் - அதாவது அவர்கள் வாதப்படி மது அருந்தி இருந்தான்

இதற்கும் கர்ணன் அர்ச்சுனனை விட உயர்ந்தவன் என்பதற்கும் என்ன சம்மந்தம்?

2. கந்தர்வர்கள் ஆயுதங்களை உயர்த்திக் கொண்டு வந்த பொழுது கௌரவ வீரர்கள் அனைத்துத் திசைகளிலும் ஓடினர்.

ஏன் கர்ணன் மேல் அவர்களுக்கு நம்பிக்கை இல்லையா?

3. கர்ணன் மட்டுமே நூற்றுக்கணக்கான கந்தர்வகளை எதிர்த்துப் போரிட்டான்

விராடப் போரில் இதை விட சாமர்த்தியமாக அர்ச்சுனன் போரிட்டானென்றே நினைக்கிறேன்.

4. குரு படை சிறியது. கர்ணன் இருந்தும் சிறப்பாக பலப்பல கந்தர்வர்களை அழித்தான்.

தனியாளாகவே அர்ச்சுனன் விராடப் போரில் போரிட்டான்

5. சித்திரசேனன் மாயையை பிரயோகித்தான். அனைத்து குரு வீரர்களும் உணர்விழந்தனர். கர்ணனும் நினைவு தடுமாறினான்.

இது சாதாரணமாக நடப்பதே மாயையை உடைப்பதும் அஸ்திரம் கற்றவனின் திறமையே. அர்ச்சுனன் மீதும் அதே மாயை பிரயோகிக்கப்பட்டாலும் அவற்றை எல்லாம் அவன் உடைத்தான்.மறைந்து போரிட்ட சித்திரசேனனையும் வெளிப்படுத்தினான். கர்ணன் குடிமயக்கத்தில் இருந்தானா? அல்லது மாயை உண்டாக்கிய மயக்கத்தில் இருந்தானா என்று அறிய முடியாத மயக்கத்தில் இருக்கிறார் வாதாடுபவர்.

6. கர்ணனுக்கு துணைசெய்யும் அத்தனை படைவீரர்களையும் இழந்தான்

அர்ச்சுனனுக்கு துணையாக மூவர் மட்டுமே போரிட்டனர். அவர்கள் ஒவ்வொருவர் மீதும் பல்லாயிரக்கணக்கானோர் பாய்ந்தும் அவர்களில் ஒருவரும் தேர்களை இழக்கவில்லை.

7. அப்பொழுது கவச குண்டலங்கள் இருந்தாலும் அவை அவன் உயிர் பிரியாமல் காக்குமே தவிர, மார்புக்குக் காப்பாகுமே தவிர போரின் வெற்றியை அவனே ஈட்டியாக வேண்டும். கவசம் மூடாத பகுதிகளில் காயம் உண்டாகலாம். மயக்கம் உண்டாகலாம்.

ஆக இந்திரன் கவச குண்டலம் யாசித்துப் பெற்றது கர்ணனின் மரணத்துக்கு மட்டுமே காரணம். அவ்வப்பொழுது அவன் பெற்ற தோல்விகளுக்கல்ல என்று ஒப்புக் கொண்டதற்கு நன்றி!!! நன்றி!!! நன்றி!!!

8.கர்ணன் இப்போரில் தோற்ற பிறகு சிலபல சபதங்கள் செய்தான்.

அந்தச் சபதத்தில் நாளை முதல் குடிக்க மாட்டேன் சத்தியமடி தங்கம் என்ற ஒரு சபதம் இல்லையே ஏன்? அப்படியானால் குடிமயக்கம் தோல்விக்குக் காரணமாக இல்லை என்று அவன் எண்ணியதாகத் தானே அர்த்தம்??

9. அர்ச்சுனன் தெய்வீக அஸ்திரங்களைப் பயன்படுத்தினான்

இதில் தவறொன்றுமில்லை, எதிரியைக் குறைத்து மதிப்பிடுவதே தவறு. 4 பேர் பல்லாயிரக்கணக்கான பேரை எதிர்க்கும்போது அஸ்திரங்களைப் பயன்படுத்தாமல் இருப்பது முட்டாள்தனம். கர்ணன் பயன்படுத்தவில்லை என்பது வீரம் அல்ல. முட்டாள்தனம். பலசமயம் வீரத்துடன் விவேகமும் இருக்க வேண்டும். அப்பொழுதுதான் வெற்றி கிட்டும்.

10. அர்ச்சுனனுக்கு இருந்த துணை பலம் மிக்கது

பீமன் துரியோதனனை விட பலம் மிக்கவன், நகுல சகாதேவர்கள் சகுனி, 99 சகோதரர்களை விட மிக மிக பலமிக்கவர்கள் என்று ஒப்புக் கொண்டதற்கு நன்றி.

11. கர்ணன் ஏன் தோற்றான், அர்ச்சுனன் ஏன் வென்றான் என்பதற்கான காரணங்களை அடுக்கி இருக்கிறீர்கள். இருந்தாலும்

இதனை இதனான் இவன்முடிப்பான் என்றாய்ந்து
அதனை அவன்கண் விடல்

தன்னை விட திறமையானவர்கள் மீது பயன்படுத்தவே அஸ்திரங்கள் என்ற மாயையை உருவாக்கப் பார்க்கிறோர்கள். யார் மீது ஏவுகிறீர்கள் என்பதை விட எதற்காக ஏவுகிறீர்கள் என்பது மிக முக்கியம். இல்லையெனில் அஸ்திரங்களுக்கான தேவையே இருக்காதே. அந்த அஸ்திரத்திற்கு அது தகுதியான இலக்கா என்பதே முக்கியம். புல்லை எரிக்க பிரம்மாஸ்திரம் உபயோகம் செய்தல் தவறுதான். ஆனால் தன்னை விட எல்லாம் தாழ்ந்தது என்பது நினைப்பதே தவறல்லவா?

கொடை மடம் என்று கேள்விப்பட்டிருப்பீர்கள், அது போல் கர்ணன் வீரமடம் கொண்டவனாகவே இங்கு தென்படுகிறான்.