Reply – Re: வஞ்சகன்--கண்ணனா, கர்ணனா?
Your Name
Subject
Message
=
Change code image
or Cancel
In Reply To
Re: வஞ்சகன்--கண்ணனா, கர்ணனா?
— by விஜய சாரதி விஜய சாரதி
திரு. தாமரை அவர்களே, தாங்கள் கருத்துக்களை எடுத்துச் சொல்லும் விதம் நன்றாக உள்ளது. அதைப் படிப்பவர்கள் எளிதில் அதை ஒப்புக்கொள்ளும் விதமாக ஆணித்தரமாக எடுத்து சொல்லுகிறீர்கள். அதனால் தாங்கள் தவறாக கூறினாலும், படிப்பவர்கள் அதை உண்மையென்று எடுத்துக் கொள்ளும் அபாயம் உள்ளது. அதனால் மீண்டும் பதிவிடும்படியாகி விட்டது. மூன்று பகுதிகளாக என் பதிலை இட்டிருக்கிறேன்.
நான் கேட்ட கேள்விக்கு தாங்கள் நேரடியான பதில் அளிக்கவில்லையே! நாகாஸ்திரம் என்பது வெறும் விஷம் தடவிய அம்பாக இருந்திருந்தால் அர்ஜுனன் அதைத் தன் கணைகளாலேயே தடுத்து விடலாமே! துரோணருக்கும், பீஷ்மருக்கும் இணையாக பொருதியவனால், சம்சப்தர்களின் கும்பல் தாக்குதலை முறியடித்தவனால் ஒரு அம்பைத் தடுக்க முடியாதா?
//நாகாஸ்திரம் ஏன் கழுத்திற்கு குறி வைக்கப்பட்டது? காரணம் கழுத்திலிருந்து விஷம் எளிதில் இதயம் மற்றும் மூளைக்கு பரவும். கழுத்தில் விஷம் பரவாமல் கட்டு போட்டால், கழுத்து நெறிக்கப்பட்டும் ஒருவன் இறக்க நேரிடும். எனவே விஷம் தோய்ந்த அம்புகளை கவசப் பகுதிகள் கைகால்கள் அல்லாமல் கழுத்தில் குறிவைத்து எய்வதே உசிதம்.//
(கங்குலியில்) கர்ண பர்வம் 90ம் பகுதியைப் பார்ப்போம். கர்ணன் அஸ்திரத்தை அர்ஜுனன் கழுத்துக்குக் குறி வைக்கிறான். உடனே சல்யன் கூறுகிறான் - Beholding Vaikartana aim that arrow, the high-souled ruler of the Madras, addressing Karna, said, "This arrow, O Karna, will not succeed in striking off Arjuna's head. Searching carefully, fix another arrow that may succeed in striking off thy enemy's head." – மொழிபெயர்த்தால் – விகர்தனன் குறிவைப்பதைக் கண்ட மத்ரர்களுடைய உயரான்ம அரசன், கர்ணனிடம், “இந்த அம்பு, ஓ கர்ணா, அர்ஜுனன் தலையை வீழ்த்தாது. கவனமாக தேடி எதிரியின் தலையை வீழ்த்தும்படியான இன்னொரு அம்பைப் பொருத்துவாயாக” -  ஆக அந்த அம்பானது அர்ஜுனன் தலையை வீழ்த்தும் திறன் படைத்ததல்ல. ஆக, இதிலிருந்து நான் என்ன புரிந்து கொள்கிறேன் என்றால் கர்ணனது நோக்கம் அர்ஜுனனது சிரத்தைக் கொய்வதே... கழுத்தில் காயப்படுத்தி விஷத்தைப் பரவ செய்வதல்ல. அந்த நோக்கத்தை உணர்ந்தே சல்லியன் அந்த அம்பானது அர்ஜுனன் தலையை வீழ்த்தாது என்கிறான்.  
அடுத்ததாக, அம்பை கவசப்பகுதியான நெஞ்சிலே நேரடியாக அடித்தால் போதுமே? எதற்கு கழுத்தில் அடித்து நெஞ்சிற்கு விஷத்தைப் பரவ செய்ய வேண்டும்? நெஞ்சிலே விஷம் பாய்ந்தாலும் உயிரைக் காக்க இயலாதல்லவா? அர்ஜுனனது கவசத்தைத் தாண்டி கர்ணன் அவனை பல அம்புகளால் பிளப்பதை வர்ணனையில் காண்கிறோம். ஆக கவசம் அந்த அம்பைத் தடுத்து விடும் என்று கூற இயலாது.