Reply – Re: வஞ்சகன்--கண்ணனா, கர்ணனா?
Your Name
Subject
Message
=
Change code image
or Cancel
In Reply To
Re: வஞ்சகன்--கண்ணனா, கர்ணனா?
— by விஜய சாரதி விஜய சாரதி
இனி தங்களது இன்னொரு பதிலைப் பார்ப்போம். (மூன்றாவது)
//ஒரு அஸ்திரத்தை உயோகிக்க உங்களுக்கு மந்திரம் உச்சரிக்க அவகாசம் வேண்டும். அர்ச்சுனன், கர்ணன், பீஷ்மர், துரோணர், அஸ்வத்தாமன் போன்றோர் வினாடிக்கு வினாடி கணைகளால் தாக்கும் போது ஆசுவாசம்  கொள்ள சில நோடிகள் கிடைப்பது அரிது.  அந்த அவகாசம் கிட்டாததாலேயே அடுத்தடுத்து அஸ்திரங்கள் பிரயோகம் எவருமே செய்யவில்லை.  கர்ணனும் அர்ச்சுனனும் மூன்று முறை மோதியபோதும் அம்புகள் மோதினவே தவிர அஸ்திரங்கள் அல்ல. அதற்கு அர்ச்சுனன் அவகாசம் அளிக்கவே இல்லை. //
அர்ஜுனனுடைய எதிரில் உள்ளவர்கள் மிக பெரும் விரர்கள். சம்மோஹனாஸ்திர மந்திரம் சொல்ல அர்ஜுனனுக்கு அவர்கள் மட்டும் நேரம் தருவார்களா என்ன? போர்களத்தில் அம்புகள் பறக்கும் போது பெரிய மந்திரங்களை சொல்வதற்கு யாருக்கும் நேரமிருக்காது.
ஒவ்வொரு அஸ்திரத்திற்கும் ஒரு தேவதை உண்டு. அந்த தேவதைக்கு பீஜ மந்திரம் உண்டு. அந்த பீஜ மந்திரம் சித்தியானால் அந்த அஸ்திர தேவதை அந்த அஸ்திரத்தை விடுப்பவர்களின் விருப்பப்படி நடக்கிறது. ஆக மந்திரம் எனப்படுவது பீஜமே.
சில அஸ்திரங்களுக்கு தனிப்பட்ட ஆயுதம் வேண்டும். அதை அந்த தேவதைகளிடமிருந்தே பெற வேண்டும். மந்திரம் மட்டும் போதாது. (https://en.wikipedia.org/wiki/Astra_(weapon))
உதாரணமாக ராமாயணத்தில் ராமர் காக்கையின் மேல் ஒரு புல்லைக் கொண்டே பிரம்மாஸ்திர பிரயோகம் செய்கிறார். பாசுபதாஸ்திரம், நாகாஸ்திரம், இந்திரனிடம் இருந்து பெற்ற சக்திஆயுதம் ஆகியவை எப்படிப்பட்டவை, அவற்றிற்கு மந்திரம் மட்டும் போதுமா என்று தெரியவில்லை. எந்த அளவுக்கு தெய்வீக ஆயுதங்களோடு கௌரவர்கள் விராட போருக்கு வந்தார்கள் என்பது தெரியவில்லை.
இப்போது கர்ணன் ஏன் விராட போரில் சக்தி ஆயுதத்தை உபயோகிக்க வில்லை என்ற கேள்வியை வேறு கோணத்திலும் பார்ப்போம். தாங்கள் கூறியுள்ளது போல விராட போரானது ஒருதீர்மானமான, இறுதியான போரல்ல. அர்ஜுனனும் அந்த எண்ணத்தில் போரிடவில்லை. கௌரவ தரப்பும் அந்த எண்ணத்தில் போரிடவில்லை. அதனாலே கர்ணன் சக்தி ஆயுதத்தை உபயோகிக்க வில்லை.
மேலும், இந்திரன் ஆயுதம் தரும்போதே நிபந்தனைகளையும் விதிக்கிறான். உனது உயிருக்கு உடனடி ஆபத்து இல்லாதபோதோ இந்தக் கணையை நீ ஏவினால், இது உன்மேலேயே விழும்" என்றான். கர்ணன் {இந்திரனிடம்}, “ஓ! சக்ரா {இந்திரா}, நீ சொல்வது போலவே, எனது உயிருக்கு உடனடி ஆபத்து இருக்கும்போது மட்டுமே நான் இந்த வாசவி {இந்திரசக்தி} கணையை வீசுவேன்! இதை உண்மையாக உனக்குச் சொல்கிறேன்!” என்றான்.
(வனம் 308 - http://mahabharatham.arasan.info/2014/10/Mahabharatha-Vanaparva-Section308.html)
ஆக உயிருக்கு உடனடி ஆபத்தில்லாத நிலையில் கர்ணன் சக்தி ஆயுதத்தை விடாதது ஆச்சரியமல்ல.