Reply – Re: வஞ்சகன்--கண்ணனா, கர்ணனா?
Your Name
Subject
Message
=
Change code image
or Cancel
In Reply To
Re: வஞ்சகன்--கண்ணனா, கர்ணனா?
— by விஜய சாரதி விஜய சாரதி
இனி தங்களது இன்னொரு பதிலைப் பார்ப்போம். (இரண்டாவது)
PART-4 : SIMPLE LOGIC SUPPORT THE FACT VIRAT WAR BEING AN INTERPOLATION - இதற்கு தங்கள் பதில்
//அதாவது அர்ச்சுனன் தனது தேரில் காண்டீபத்துடன் தன் அலித்தன்மையை அடையாளம் காட்டும் நீண்ட கூந்தலை மறைத்துக் கொண்டே வந்தான். வந்தது அர்ச்சுனன் என்றுதான் தெரியுமே தவிர ஒரு அலி என்று அடையாளம் காணும் அளவிற்கு அல்ல. //
என்னுடைய கருத்து
அர்ஜுனன் அலி என்று தெரியாத அளவிற்கு தன்னை மறைத்துக் கொள்ளவில்லை. விராட போர்களத்தில் ஒரு காட்சி.
இதைச் சொன்ன குந்தியின் மகனான தனஞ்சயன் {அர்ஜுனன்}, {களத்தைவிட்டு} ஓடிவிட்ட இளவரசனைத் தொடர்ந்து {செல்லும் பொருட்டு}, தனது நீண்ட பின்னலும், சுத்தமான சிவந்த ஆடைகளும் காற்றில் படபடக்கும்படி, அந்த அற்புதமான தேரில் இருந்து இறங்கி {உத்தரனைப் பின்தொடர்ந்து} ஓடினான். –
(விராட 38 -  http://mahabharatham.arasan.info/2014/12/Mahabharatha-Virataparva-Section38.html)
மேலும் துரோணர் அர்ஜுனன் அலியாக வந்திருக்கிறான் என்று பீஷ்மரிடம் குறிப்பிட்டும் கூறுகிறார்.
மூன்றாம் பாலினப் பழக்கம் கொண்டு இங்கே வந்திருக்கும் இந்த வலிமைமிக்க வில்லாளி, ஆயுதங்கள் தாங்குபவர்களில் முதன்மையான பிருதையின் மகனே {குந்தியின் மகன் அர்ஜுனனே}, இதில் ஐயமில்லை” என்றார் {துரோணர்}.
பிறகு பீஷ்மரிடம் பேசும் வகையில் தொடர்ந்த அந்த ஆசான் {துரோணர்}, “ஓ! கங்கையின் மைந்தரே {பீஷ்மரே}, இங்கே பெண்ணாடை பூண்டு வந்தவன், இலங்கைத் தலைவனின் {ராவணனின்} நந்தவனத்தை அழித்தவனைத் {அனுமானைத்} தனது பதாகையில் {கொடியில்} தாங்கியிருப்பவனும், மரத்தின் பெயரால் அழைக்கப்படுபவனும், மலைகளின் எதிரியுடைய {இந்திரனுடைய} மகனுமான கிரீடியாவான் அர்ஜுனனாவான்}. இவன் நிச்சயம் இன்று நம்மை வீழ்த்தி பசுக்களை எடுத்துக் கொள்வான்! இந்த எதிரிகளைத் தண்டிப்பவன், சவ்யசச்சின் என்ற புனைப்பெயர் கொண்ட வீரம்செறிந்த பிருதையின் மகனாவான் {குந்தியின் மகன் அர்ஜுனனாவான்}. தேவர்களும், அசுரர்களும் சேர்ந்து வந்தாலும் அவன் {அர்ஜுனன்} போரில் இருந்து விலகமாட்டான்.
(விராட 39 - http://mahabharatham.arasan.info/2014/12/Mahabharatha-Virataparva-Section39.html)
ஒரு வேளை அர்ஜுனன் உண்மையில் ஆண். இப்போது அலி வேடத்தில் உள்ளதால் பீஷ்மர் போரிட்டிருப்பாரோ? பீஷ்மரின் விரதம் அப்படியில்லை. அதை அவர் உத்யோகபர்வத்தில் கூறிகிறார்.
ஓ! குரு குலத்தின் காளையே {துரியோதனா}, "பெண், அல்லது முன்னர்ப் பெண்ணாக இருந்தவன், அல்லது பெண்தன்மையுள்ள பெயரைக் கொண்டவன், அல்லது பெண்களைப் போன்ற தோற்றம் கொண்டவன் ஆகியோர் மீது நான் ஆயுதங்களை அடிக்க மாட்டேன்" என்பது உலகம் முழுவதும் நன்கு அறியப்பட்ட எனது நோன்பாகும். எனவே, கையில் ஆயுதத்துடன் அவன் என்னை அணுகினாலும், நான் அவனைப் போரில் கொல்ல மாட்டேன்.
(உத்யோகம் 195 - http://mahabharatham.arasan.info/2015/07/Mahabharatha-Udyogaparva-Section195.html)
ஆக பெண்தன்மையுள்ள அர்ஜுனனை பீஷ்மர் அடித்திருக்கக் கூடாது. ஆனால் விராட போரிலே இப்படித்தான் நடந்திருக்கிறது.