Reply – Re: பேசிய மொழி என்ன?
Your Name
Subject
Message
=
Change code image
or Cancel
In Reply To
Re: பேசிய மொழி என்ன?
— by தாமரை தாமரை
சமஸ்கிருதம் என்பது பேச்சு மொழியாக இருந்திருக்குமா? இந்தக் கேள்வி மிகவும் ஆராய வேண்டிய ஒன்று.

சமஸ்கிருதம் - பிராக்ருதம் என்று இருமொழிகள் வடமொழியில் இருந்ததாகவும், பிராக்ருதம் பேச்சு மொழியாகவும், சமஸ்கிருதம் இலக்கிய மொழியாகவும் இருந்திருக்க நிறைய வாய்ப்புகள் உண்டு. சமஸ்கிருதத்தை எவரும் தாய்மொழியாக கொண்டிருக்கவில்லை எனவும் கூறலாம். அதனால் அது தேவபாஷை என அறியப்பட்டது.

பல இடங்களில் முனிவர்கள் ஸ்லோகங்களைச் சொல்லி விளக்குவதாக வருவதற்குக் காரணம் இதுவே ஆகும்.

ஆதித்தமிழில் புராணங்கள் இல்லாமலிருக்க இதுவும் ஒரு காரணமாக இருந்திருக்கலாம். தமிழ் வாழ்க்கைக்கான மொழியாகவும் சமஸ்கிருதம் ஆன்மீகத்திற்கான மொழியாகவும் தமிழ் நாட்டில் இருந்திருக்கலாம். அதே போல் வடக்கிலும் தமிழ் இருந்திருக்கலாம்.

த்ராவிடம் என்பது இனத்தைக் குறிக்கும் சொல் அல்ல. அது இடத்தைக் குறிக்கும் சொல். த்ரவ + இடம் திராவிடம் ஆகும். திரவம் என்றால் சலம் அதாவது அசைவது. சூரியன் கடகரேகைக்கும்   மகர ரேகைக்கும் இடையே நகர்கிறது அல்லவா? இந்த இடைப்பட்ட பகுதியை ஆங்கிலத்தில் டிராபிகல் ரீஜன் என்கிறோம்.  இது அடிப்படையில் டிராபிகோ என்ற கிரேக்க வார்த்தையில் இருந்து வந்தது. அதன் பொருளும் சூரியன் நகரும் பகுதி என்பதே ஆகும்.

மேலும் ட்ராவல் என்னும் பெயரும் த்ரவ - அசைதல் நகர்தல் என்ற வார்த்தையில் இருந்தே உண்டானது. சலம் - திரவம் அசைவது நீர் என பொருள்படும். அசலம் - அசையாதது, நகராதது அதாவது மலை என பொருள்படும்.

எனவே த்ராவிடம் என்பது இன்று ஆங்கிலத்தில் நாம் டிராபிகல் ரீஜன் என சொல்லும் இடமே ஆகும். இங்கு சூரியனின் கதிர்கள் செங்க்குத்தாய் விழுமாதலின் தோல் கருப்பாய் இருக்கும்.

ஆகவே தமிழ் வடக்கிலும் வாழ்க்கை மொழியாய் இருந்திருக்க அதிக வாய்ப்புகள் உண்டு. சமஸ்கிருத - தமிழ் மொழிமாற்றம் சாத்திரங்களில் இருப்பதால் வடமொழி சொற்களை சொல்வதற்கென தமிழில் கிரந்த எழுத்துக்கள்  அதனாலேயே உண்டாகி இருக்க வேண்டும். பிராமி எழுத்துக்கள் இரண்டாகப் பிரிந்து தமிழ் பிராமி, அசோகப்பிராமி என வட தென் மொழிகளின் எழுத்துக்கள் உண்டானதைக் கவனித்தால் இது புரியும்.

வடக்கில் எழுத்துக்கள் அசோக பிராமியில் இருந்து தேவ நாகரிக்கு மாறியது. தெற்கில் தமிழ் பிராமியில் இருந்து வட்டெழுத்துக்கு மாறியது.

எனவே தமிழ் இந்தியா முழுவதும் வாழ்க்கை மொழியாக இருந்திருக்க சாத்தியக்கூறு அதிகம் உண்டு.