Reply – Re: யாருக்கு அதிக மண்ணாசை?
Your Name
Subject
Message
=
Change code image
or Cancel
In Reply To
Re: யாருக்கு அதிக மண்ணாசை?
— by Arul Selva Perarasan Arul Selva Perarasan
நண்பரே,

மண்ணாசை என்பது அடுத்த நாட்டைப் பிடிப்பது மட்டுமல்ல. தன்னைப் போலவே தன் நாட்டின் மீது சம அளவு உரிமை பெற்ற ஒருவனுக்கு, அவனது பங்கைக் கொடுக்கக்கூடாது என்று நினைப்பதும் மண்ணாசை தானே.

ஒன்றுக்கு உதவாத இடத்தைக் கொடுத்தும், அது இந்திரப்பிரஸ்தம் என்று சொல்லும் அளவுக்கு அந்நிலத்தை வளமாக மாற்றிய யுதிஷ்டிரனிடம் இருந்து வஞ்சகமாக நாட்டைத் துரியோதனன் பறித்தது பாண்டவர்கள் மீது கொண்ட வெறுப்பால் மட்டுமல்ல, மண் மற்றும் பொன் மீது கொண்ட ஆசையினாலும்தானே.

இந்திரப் பிரஸ்தத்தைக் கண்டு துரியோதனன் பொறாமை கொண்டதும் மண் மற்றும் பொன்னாசையினால்தானே.

துரியோதனன் முடிசூடிக்கொள்ளவில்லையே தவிர, ஒரு மன்னனுக்குரிய அனைத்து அதிகாரங்களையும் அவன் கொண்டிருந்தான் என்பதை மகாபாரதத்தில் ஆங்காங்கே நடக்கும் சம்பவங்கள் நமக்கு எடுத்துரைக்கின்றன.

திருதராஷ்டிரன், பேரளவுக்கு {தற்போதுள்ள கவர்னர் பெற்றிருக்கும் அதிகாரம் போன்ற} அதிகாரம் கொண்டவனாகவே இருந்திருக்கிறான்.

மன்னன் ஒருவன், தான் செய்ய வேண்டிய கடமைகள் அனைத்தையும் செய்து முடித்து, வனவாசம் புறப்பட எண்ணும்போது மகனுக்கு பட்டம் கட்டுவதோ, அல்லது அந்த மன்னன் இறந்த பிறகு, அவனது மகன் அரியணை ஏறுவதோ தானே அன்றைய வழக்கம்.

இது {துரியோதனன் அரியணை ஏறுவது} குறித்து விதுரரோ, பீஷ்மரோ எங்கும் பேசியிருப்பதாகத் தெரியவில்லை. ஏன் துரியோதனனே கூட தனக்கு அரசகட்டில் வேண்டும் என்று கேட்டதாகத் தெரியவில்லை.

சில பல அரசியல் ஆதாயங்களுக்காகவும் துரியோதனன் மன்னனாகாமல் இருந்திருக்கலாம்!

திருதராஷ்டிரன் அரசகட்டில் மீது ஆசை கொண்டவனாகவே இருந்தாலும், துரியோதனனுக்காக எதையும் செய்பவனாகவே இருந்தான்.

எனவே, துரியோதனனுக்கு ஆட்சிக்கட்டிலை திருதராஷ்டிரன் கொடுக்காதது மண்ணாசையின் காரணமாக அல்ல என்பதும், துரியோதனனுக்குத்தான் மண்ணாசை நிச்சயம் இருந்திருக்க வேண்டும் என்பதும்தான் எனது எண்ணம்.