Reply – Re: புத்தக திருத்த ஆலோசனைகள்.
Your Name
Subject
Message
or Cancel
In Reply To
Re: புத்தக திருத்த ஆலோசனைகள்.
— by தாமரை தாமரை
பலராமர் ரோமஹர்சணரைக் கொன்றது பாகவத புராணத்தில் வருவதாகும்.

புராணங்கள் பதினெட்டு. ஏன் பதினெட்டு என்று உங்களுக்குள் கேள்விகள் எழலாம்.

இவற்றை மூன்றாகப் பிரிக்கலாம்.

1. சாத்வீகப் புராணங்கள். விஷ்ணுவை முதற்பொருளாகக் கொண்டவை - 6
2. இராஜஸ புராணங்கள். பிரம்மன், சூரியன் இன்னபிற படைப்புக் கடவுளை முதற்பொருளாகக் கொண்டவை - 6
3. தாமஸ புராணங்கள், சிவன், கந்தன் போன்ற சைவ புராணங்கள் - 6.

மொத்தம் பதினெட்டு புராணங்கள். எதற்காக இப்படி ஒன்றுடன் ஒன்று முரண்படவேண்டும்?

ஒரே புராணம் என்றால் அது பல வித திருத்தங்களுக்கு ஆளாகி மூலப்பொருள் சிதைந்துவிடும். புராணம் 18 ஆனாலும் அவற்றில் சொல்லப்பட்டவை ஒன்றே ஒன்றுதான். அதைச் சுற்றியே அனைத்துக் கதைகளும் பின்னப்பட்டிருக்கும். அனைத்தையும் கற்ற பின்னரே ஒருவன் முழுதான உண்மைப் பொருளை அறிய முடியும். காரணம் 18 புராணங்களையும் ஒரே மாதிரி யாராலும் திருத்தி எழுத இயலாது. ஆக ஒரே விஷயத்தை பல கோணங்களில் காட்டுவது என்பது புராணங்களின் அடிப்படை. வெறும் கதைகளாக படிக்க ஆரம்பித்து சிறிது சிறிதாக ஆழம் சென்று, தத்துவம் உணர்வதே புராணங்களின் அடிப்படை.

ஆனால் நம்மக்கள் அவற்றை வெறும் கதைகளாக மட்டுமே நினைவில் நிறுத்தி பல வித சமயங்களாக பிரிந்து சண்டையிட்டுக் கொள்கின்றனர்.

நினைத்துப் பாருங்கள் ஒரே தத்துவத்தை 18 கோணங்களில் கற்று அலசினால் சரியான தத்துவம் கிடைக்கும். இன்று கணினிகளில் இருக்கும் எர்ரர் கரெக்சன் மெதடாலஜிகள் பிச்சை எடுக்க வேண்டும். 18 புராணங்களையும் ஒரே மாதிரி திருத்த இயலாது. ஆக புராணங்களில் நடக்கும் இடைச் செருகல்களை இதைக் கொண்டு எளிதில் களைந்து உண்மை பொருளை சரியாக அடையாளம் காணலாம்.