Reply – Re: புத்தக திருத்த ஆலோசனைகள்.
Your Name
Subject
Message
=
Change code image
or Cancel
In Reply To
Re: புத்தக திருத்த ஆலோசனைகள்.
— by Arul Selva Perarasan Arul Selva Perarasan
நண்பரே!

வைசம்பாயனர் என்ற பெயரை சபா பர்வம் முடியும் நிலை வரை வைசம்பாயணர் என்று மூன்று சுழி 'ண' வையே இட்டு வந்தேன். இது நான் வடமொழி அறியாததால் ஏற்பட்ட குறைபாடு. இன்னும் அந்தக் குறை என்னில் நீடிக்கிறது.

நீங்கள் சுட்டிக் காட்டியிருப்பவை, நான் வடமொழி அறியாததால் மட்டும் வரும் பிழைகளல்ல. ஆங்கிலத்தில் இருந்து நேரடி ஒலிவடிவ மாற்றம் செய்வதாலேயே  பெயர்களில் இதுபோன்ற பிழைகள் ஏற்படுகின்றன. அவற்றில் பலவற்றை மாற்றிக் கொள்ளலாம்... கங்குலிக்கு இணங்காத சிலவற்றை மட்டும் மாற்ற இயலாது போகலாம்.

ஆங்கிலத்தில் கங்குலி "Ugrasrava, the son of Lomaharshana, surnamed Sauti, well-versed in the Puranas" என்று எழுதியிருக்கிறார். பாரதக் கதையைச் சொன்னது சூதர் என நான் பல பதிப்புகளில் படித்திருந்தாலும், ஆங்கில ஒலிவடிவத்திற்கு இணங்கி அப்படியே சௌதி என்று தந்திருக்கிறேன். தற்போது ஒரு இடத்தில் மட்டும் சௌதி என்றும் இட்டுவிட்டு {} அடைப்புக்குறிக்குள் {சூதர்} என்று இட்டிருக்கிறேன். வேறு பகுதிகளில் மாற்ற வேண்டாம் என்றிருக்கிறேன். கங்குலி மட்டுமின்றி மன்மதநாத தத்தரும் ஆங்கிலத்தில் சூதரைச் சௌதி என்றே சொல்லியிருக்கிறார். இதற்கு ஏதேனும் காரணம் இருக்குமா என்பது தெரியவில்லை.

லோமஹர்ஷணர் {Lomaharshana} என்று கங்குலி ஏன் எழுதியிருக்கிறார் என்பது தெரியவில்லை. நீங்கள் சுட்டிக் காட்டிய பிழை கங்குலிக்கு இணங்கவில்லையென்றாலும், அப்பெயர்ச்சொல்லின் காரணம் கெட்டுப் போவதால், இங்கு கங்குலியில் இருந்து மாறுபடுவதில் தவறில்லை என்பதை ஏற்றுக் கொண்டு, அப்பெயரை மாற்றிவிடுகிறேன். சமந்தபஞ்சகத்தில் ஏற்பட்டிருக்கும் பிழை நான் தட்டெழுதியதில் ஏற்பட்டது. அதையும் திருத்திவிடுகிறேன்.

இது போன்ற பிழைகளையும், குறிப்பாக கருத்தில் ஏதேனும் பிழை இருந்தாலும் தெரிவிக்கவும், ஆய்ந்து பார்த்து திருத்திக் கொள்கிறேன்.

ஒவ்வொரு பதிவின் கீழேயும் கங்குலி அவர்கள் எழுதிய ஆங்கில பகுதியின் லிங்க் இருக்கிறது.

எந்தத் திருத்தமாக இருந்தாலும் அது கங்குலியின் அந்தப் பதிப்புக்கு குறைந்தபட்சமாவது நேர்மையாக இருக்க வேண்டும் என்று நினைக்கிறேன்.

சூதரின் தந்தையைப் பலராமர் கொன்றார் என்பது எனக்குப் புதிய தகவல். இந்தச் சம்பவம் எங்கு குறிப்பிடப்பட்டிருக்கிறது. குறிப்பிட்டால் எனது ஆவல் தணியும். மேலும் இது போன்ற சம்பவங்கள் இருந்தாலும், இதே முழுமஹாபாரத விவாத மேடையில் தனித்திரி தொடங்கி நீங்களே தெரிவிக்கலாம் நண்பரே, இது பலருக்குப் பயனுள்ளதாக இருக்கும்.

பிழைதிருத்தங்களை இத்திரியிலேயே தொடருங்கள்... உங்களைப் பார்த்து, இன்னும் பலர் பிழை சுட்டிக் காட்டவும், புதிய தகவல்களுக்கு தனித்திரி தொடங்கவும் வாய்ப்பிருக்கிறது. நீங்கள் செய்யும் பிழை திருத்தங்களும், அளிக்கும் புதிய தகவல்களும் எனக்குப் பேருதவியாக இருக்கும்.

நன்றி