Reply – Re: பீமனுக்கு விஷம் கொடுத்தது கர்ணனா ?
Your Name
Subject
Message
=
Change code image
or Cancel
In Reply To
Re: பீமனுக்கு விஷம் கொடுத்தது கர்ணனா ?
— by தாமரை தாமரை
1. அதிரதன் திருதராஷ்டிரனுக்கு நண்பனே என்றாலும் கூட கர்ணன் அரங்கேற்றக் களத்தில் அங்க மன்னனாக முடிசூட்டப்பட்ட பின்னரே அவன் அதிரதனின் மகன் என்பது அவர்களுக்கெல்லாம் வெளிப்படுகிறது. எனவே அந்த வகையில் முன்னரே துரியோதனன் கர்ணனை தந்தையின் நண்பரின் மகனாக அறிந்திருக்க வாய்ப்பில்லை. அப்படி இருந்திருந்தால் அவன் பாண்டவர்களின் நட்பை முன்பே பெற்றிருப்பான் என நினைக்கிறேன். அதனால் அதுவரை அவன் சூதன். ராதேயன் என்பது மட்டுமே அறியப்பட்டிருக்கிறான். அவனைப் பெற்றவர்களைப் பற்றி யாரும் கவலைப்படவில்லை.

2. துரோணர் ஷத்ரியர்களுக்கு உரிய அஸ்திர வித்தைகளை கர்ணனுக்கு கற்பிக்கவில்லை என்றே கொள்ளலாம் என  நினைக்கிறேன், இல்லையெனில் கர்ணன் பரசுராமரை தேடிச் சென்றிருக்க வேண்டிய அவசியம் இருந்திருக்காது. துரோணரும் கர்ணனை அர்ச்சுனனுக்கு நிகராக வருபவன் எனக் கணிக்கவில்லை.

3. துரோணருக்கு முன்பே க்ருபரிடம் கர்ணன் வில்வித்தை கற்க ஆரம்பித்திருக்கலாம். கர்ணன் 16 வயது மூத்தவன் என்பதைக் கருத்தில் கொள்ள வேண்டும். அவன் அங்க தேசத்திலிருந்து வில்வித்தை கற்க அஸ்தினாபுரம் வந்தவன். அதிரதனின் மகன் என்பதால் அவரே கிருபரிடம் செல் எனச் சொல்லி அனுப்பி இருக்க காரணம் உண்டு. எனவே அவன் துரியோதனாதிகள் கிருபரிடம் பாடம் கற்க ஆரம்பிக்கும் முன்பே கர்ணன் கிருபரின் மாணாக்கனாக இருந்திருக்க வாய்ப்பு உண்டு. அவன் சூதன் என்பதால் அவன் யார் மகன் என்பதைப் பற்றி கிருபர் கவனம் செலுத்தாமல் வில்வித்தையில் பயிற்சி கொடுத்திருக்கலாம். அஸ்திர பயிற்சி அளித்திருக்க மாட்டார். அதனாலேயே கர்ணனின் அஸ்திர சாமர்த்தியங்களை துரோணரோ, கிருபரோ முன்பே அறிந்திருக்கவில்லை எனக் கொள்ளலாம்.

4. இவைகளை ஒப்பிட்டு நோக்கும் பொழுது, கர்ணன் கிருபரிடமே முதலில் தன் பயிற்சியை ஆரம்பித்திருக்க வேண்டும். திவ்யாஸ்திரப் பயிற்சிகள் மறுக்கப்பட்டதால் அவற்றை சூரியனை குருவாகக் கொண்டு கற்றிருக்க வேண்டும். அதன் பின்னர் பரசுராமரிடம் சென்று அஸ்திரப்பயிற்சி, பிரம்மாஸ்திரம், பார்க்கவாஸ்திரம் ஆகியவற்றைப் பெற்றிருக்க வேண்டும்.

அப்படியானால், முதல் நஞ்சு கலந்த போது கர்ணன் துரியோதனனின் நண்பனாக இல்லாமல் இருந்து, பின்னர் மற்ற பாலபருவச் சதிகளில் பங்கேற்று இருக்கலாம். அதுவும் கிருபர் இளவரசர்களுக்கு பாடம் ஆரம்பித்த பிறகு.