Reply – Re: இந்திரன் கர்ணனின் கவச குண்டலங்களை யாசித்து பெற்றது ஏன் ?
Your Name
Subject
Message
=
Change code image
or Cancel
In Reply To
Re: இந்திரன் கர்ணனின் கவச குண்டலங்களை யாசித்து பெற்றது ஏன் ?
— by தாமரை தாமரை
சில விஷயங்களை அப்படி நடந்திராவிட்டால் என்ன ஆகியிருக்கும் என்ற கோணத்தில் ஆராய்ந்தால் புரியும்.

கர்ணனின் கவச குண்டலங்களைப் பெறாமல் இருந்திருந்தால் கர்ணன் வென்றிருப்பான் என்ற வாதம் தவறு. அவன் இறந்திருக்க மாட்டான்.

அவனைச் செயலிழக்க வைத்துவிட்டு பீமனுக்கும் துரியோதனனுக்கும் யுத்தம் உண்டாகி இருக்கும் அவ்வளவுதான்.

கர்ணன் இறக்காமல் துரியோதனன் இறந்திருந்தால் இரு வாய்ப்புகள் உண்டு

1. கர்ணன் முழுமையாக இருந்து ஆட்சி பீடம் ஏறி இருக்கலாம். இந்திரபிரஸ்தத்தின் அரசனாக கர்ணனின் மகனே பதவியேற்கிறான். (வ்ருஷகேது). இது கர்ண துரியோதன நட்பிற்கு மிகப் பெரிய இழுக்காக இருக்கும் என்பதால் கர்ணன் வாழவும் இயலாமல், சாகவும் இயலாமல் தவித்திருக்க வேண்டியதாகி இருக்கும்.

2. கர்ணனின் தலை துண்டிக்கப்பட்டு தலையும் முண்டமும் தனித்தனியே இராகு கேதுக்கள் போல் ஆகி இருக்கும்.

இரண்டுமே கடைசியில் கர்ணனுக்கு இழுக்காகவே முடிந்திருக்கும்.

உதாரணமாக அஸ்வத்தாமன் உயிருடன் கையில் பிரம்மாஸ்திரம் கொண்டிருந்த போதும் துரியோதனன் வீழ்த்தப்படுகிறான் எனில், அதே கதைதான் கர்ணனுக்கும் உண்டாகி இருக்கும். கர்ணன் - அஸ்வத்தாமன் ஒப்பீடு உங்களுக்கு உண்மையைக் காட்டும்.

கர்ணன் இறந்ததால் தான் இறவாப் புகழ் பெற்றான்.