Reply – Re: வஞ்சகன்--கண்ணனா, கர்ணனா?
Your Name
Subject
Message
=
Change code image
or Cancel
In Reply To
Re: வஞ்சகன்--கண்ணனா, கர்ணனா?
— by தாமரை தாமரை
த்ருதராஷ்டிரனின் ஒரு ஆணை அத்தனை போரையும் தடுத்திருக்கும். அவனே மன்னன். எனவே அனைத்துப் பொறுப்பும் அவனுடையதே. ஆகவே அவனைத் தவிர ஒருவரும் பழி சுமக்க வேண்டிய அவசியமில்லை.

பீஷ்மர், கர்ணன், துரோணர், அஸ்வத்தாமன் என அனைவரும் தர்மம் எனத் தாம் எண்ணிக் கொண்டதை செய்தனர். அவர்களுக்கு பொதுதர்மம் பற்றிய அஞ்ஞானம் இருந்தது.

ஆனால் த்ருதராஷ்டிரன் தான் செய்வது அதர்மம் என்று நன்கு தெரிந்தே செய்கிறான். அவன் பாசத்தினால் கட்டுண்டது தவறு. நீதிக்காக தன் மகனுக்கே தண்டனை தந்த முன்னோர்கள் உண்டு. மாபெரும் வம்சத்தின் பிரதிநிதியான அவனின் தர்பாரில்தான் ஒரு பெண்ணின் துகிலுரியும் சம்பவம் நடந்தது.

தர்மத்தைக் காக்க எண்ணும் பலரையும் தன் ஆணையால் கட்டியவன் அவன் என்பதாலும் அவர்களின் பாபத்தையும் அவனே பெறுகிறான்.

கர்ணன், துரியோதனன், துச்சாதனன் ஆகியோரைத் தண்டிக்காமல் ஆதரித்ததால் அவர்களின் பாபத்தையும் அவனே பெறுகிறான்.

மற்றவர்களை ஏன் குறை சொல்ல வேண்டும்?