Reply – Re: வஞ்சகன்--கண்ணனா, கர்ணனா?
Your Name
Subject
Message
=
Change code image
or Cancel
In Reply To
Re: வஞ்சகன்--கண்ணனா, கர்ணனா?
— by தாமரை தாமரை
காரணமே இல்லாமல் அர்ஜுனன் மேல் பொறாமை கொண்டது வஞ்சனை இல்லையா?

இல்லை. பிறப்பினால் தான் கீழே தள்ளப்படுவதால் உண்டான வெறி அது. அது துரோணரின் சிரேஷ்ட மாணவனை வெல்வதே அவனுடைய இலட்சியம். காரணம் அவர் அவனுக்கு வில்வித்தையை மறுத்தார். அர்ஜூனனுடன் போரிட்டு தன் வித்தையை நிரூபிக்க நினைத்தானே தவிர.. துரோணர் ஏகலைவனுக்குச் செய்த்து போல வஞ்சகம் செய்ய என்னவே இல்லையே.

அமைதியாகத் தங்கள் பனிரெண்டு வருட காலத்தைக் கானகத்தில் கழிக்கும் பாண்டவர்களுக்குத் தொல்லை கொடுக்க வேண்டும் என்று நினைத்தது வஞ்சனை இல்லையா?

பாண்டவர் வன்வாச காலத்தில் கர்ணன் திக்விஜயம் சென்று பலப்பல நாடுகளை துரியோதனனுக்கு திரை செலுத்த வைத்தான். கர்ணன் தானாக எந்த வஞ்சகமும் செய்யவில்லை.

பரசுராமரிடம் வஞ்சகமாகக் கல்விக் கற்றது வஞ்சனை இல்லையா?

இல்லை. அவனுக்கு அவன் ஒரு சத்ரியன் என்று தெரியாதே. பரசுராமர் ஷத்ரியர்களுக்குத் தானே கற்றுத் தரமாட்டார். அதனால் அதில் வஞ்சனை இல்லை.


சூழ்ச்சிகளில் ஒரு ஆளாகப் பங்கெடுத்தான் என்கிறீர்களே! பல சூழ்ச்சிகளுக்கு அவனே காரணமாக இருந்திருக்கிறான்.

திரௌபதியின் ஆடைகளை உரிக்கச் சொல்வது கர்ணனே என்பதையும் கவனியுங்கள்.

இதற்காகத்தான் வஞ்சனை என்பதன் அர்த்தம் கேட்டேன். அவனின் கோபமும் வெறியும் அவனை திரௌபதியை அவமதிக்கத் தூண்டியது. அது தீய செயல்தான். ஆனால் வஞ்சனை இல்லை. சகுனியின் சூதுதான் வஞ்சனை. அவன் ஆலோசனைக் கேட்டு மறைமுக தாக்குதல்கள் செய்த துரியோதனன் செய்தது வஞ்சனை. கர்ணன் தன் தவறுகளை வெளிப்படையாகவே செய்தான். அதனால் அவை வஞ்சனை அல்ல.

கர்ணன் மேல் அனைவருக்கு நல்ல அபிமானம் உண்டு. ஆனால் அதற்காக அவன் செய்த தீச்செயல்களுக்கும் சேர்த்து அவனை ஆதரிப்பது தகுந்ததன்று என நினைக்கிறேன்.

வஞ்சனை என்ற வார்த்தையின் அர்த்தம் புரிந்துகொள்ளுங்கள். கண்டிப்பாக ஒத்துக் கொள்வீர்கள்.