Reply – Re: தனது தம்பியைக் கொன்ற கந்தர்வனுடன் பீஷ்மர் ஏன் போரிடவில்லை.
Your Name
Subject
Message
=
Change code image
or Cancel
In Reply To
Re: தனது தம்பியைக் கொன்ற கந்தர்வனுடன் பீஷ்மர் ஏன் போரிடவில்லை.
— by Arul Selva Perarasan Arul Selva Perarasan
நண்பரே!

சித்திராங்கதன் குறித்து ஆதிபர்வம் பகுதி 101ல் //
சந்தனு சொர்க்கத்திற்கு உயர்ந்த பின்னர், பீஷ்மன் தன்னை சத்தியவதியின் தலைமையின் கீழ் நிறுத்தி, எதிரிகளை ஒடுக்கும் சித்திராங்கதனை அரியணையில் ஏற்றினான். சித்திராங்கதன் எதிரி மன்னர்களை எல்லாம் அழித்து, தனக்கு நிகர் யாரும் இல்லை என்று உணர்ந்தான். தன்னால் மனிதர்களையும், அசுரர்களையும், ஏன் தேவர்களையும் வெல்ல முடியும் என்று நினைத்த சித்திராங்கதன், பெரும் பலம் வாய்ந்த மன்னனான கந்தர்வ மன்னனைப் போருக்கு அழைத்தான். பெரும் பலசாலிகளான அந்த கந்தர்வனும், குருபரம்பரையின் முன்னவனும் குருக்ஷேத்திரத்தில் உக்கிரமாக போர் செய்தனர். அந்தப் போர் சரஸ்வதி நதிக்கரையில் மூன்று முழு வருடங்களுக்கு உக்கிரமாக நடந்தது. அந்த பயங்கரப் போரில் அடர்ந்த கணைகள் மழையைப் போலப் பொழிந்தன. அவர்களிருவரில் அதிக தந்திரம் கொண்ட கந்தர்வன் குருக்களின் இளவரசனைக் கொன்றான். மனிதர்களில் முதன்மையான, எதிரிகளை ஒடுக்கும் சித்திராங்கதனைக் கொன்றுவிட்டு கந்தர்வன் மேலுலகம் சென்றான். ஓ மன்னா, மனிதர்களில் புலி போன்ற பெரும் வீரமிக்க சித்திராங்கதன் கொல்லப்பட்ட பிறகு, சந்தனுவின் மைந்தன் பீஷ்மன், அவனது ஈமக்கடன்களை முடித்து, பெரும் சக்தி கொண்ட விசித்திரவீரியன் சிறுவனாக இருந்த போதே அவனை குருக்களின் அரியணையில் அமர்த்தினான். - See more at: http://mahabharatham.arasan.info/2013/05/Mahabharatha-Adiparva-Section101.html

என்ற அளவில் மட்டுமே உள்ளது.

சித்திராங்கதனைக் கொன்ற பிறகு, அந்தக் கந்தர்வன் மேலுலகம் சென்றுவிட்டான். சித்திராங்கதன் போர் செய்ய பீஷ்மர் நாட்டைப் பாதுகாத்துக் கொண்டிருந்திருப்பார் என்று நினைக்கிறேன். சித்திராங்கதன் இறந்ததும், கந்தர்வனும் மேலுலகம் சென்றுவிடுகிறான். அதனால் பீஷ்மரால் பழி வாங்க முடியவில்லையோ என்னவோ?

சந்தேகம் கேட்டு என்னைப் பழைய பதிவுகளைப் படித்த வைத்தமைக்கு நன்றி.

அன்புடன்
செ.அருட்செல்வப்பேரரசன்